Am Omnibusbahhof…

In Ulm bauad se ja jezd dann de nui Strossabah. Daß ma do allerhand Umuas arichdad in dr ganza Stadt, des isch ja logisch. D ́Bus fahrad woisgott wo in dr Gegen omanand. Wo ma vorher 20 Minudda von do noch do brauchd had, isch ma jezd faschd a Stond ondrwägs. Ma kas it ändera, do muass ma dure.

In Befinga hend se da Omnibusbahhof, der frier am Bahhof war, eigrichdad, des isch vielleichtd a Gaude. Do isch ́s Chaos ausbrocha. Über 10 Bus kommad do auf oimol auf den kloina Blatz. Mir hend bei dr Stadt nochfrogat (do hend diea des no gar it gwisst, was do abgohd) ob ma do it a Scheissheissle nastella kennd. Dann schreibad diea doch gladd, dass ma im nägschda Johr a Däfale aufstelld, wo drufstohd, dass ma do it „na uriniera und sei Noddurfd it verrrichde däfd“. Als ob des oin Menscha indrässierd, wenn d Bloß druggt oder s ́Telegramm vo Darmstadt kommd. In ́d Hegga hoggad se nei und scheissad und pinklad älles voll. Broschd Mahlzeit, des mag saubr schtenge.

Ma frogat sich, warom machd ma so ebbes it unda an dr Donauhall. Do hads Blatz gnuag und a Kloo wär au do, ond wenns offa wär, kennd mas sogar benutza. Also stelld ma a Däfale auf. S wird scho koin Werd han. D ́r Herr Däfeles Minischdr Dörfler däd an Saldo schlaga, wennrs wissd.

So isch doch, oder wa moina dr ?

Lilo Finkele

Zurück

Einen Kommentar schreiben

Aktuelles

Nachrichten

Wir erkunden Böfingen
Wir erkunden Böfingen

15. Oktober Start am Jugendhaus Böfingen um 16 Uhr

mehr …

Lieferdienst der Stadtbibliothek Ulm
Lieferdienst der Stadtbibliothek Ulm

kostenloser Lieferdienst für Menschen, die einer COVID-19-Risikogruppe angehören

mehr …

Kleine Sommerreihe für Eltern
Kleine Sommerreihe für Eltern

60 Minuten Auszeit im Familienalltag

mehr …


UWS-Sprechstunde ab August wieder

jeden ersten Donnerstag im Monat

mehr …

CarePakete an der Begegnungsstätte Eichberg
CarePakete an der Begegnungsstätte Eichberg

Ausgabe jeden Freitag von 10 bis 12 Uhr

mehr …