Jeds Johr isch es des Selbe. D´Kendr von dr Schual ond em Kindrgadda laufad am Samsdag mit Mama ond Babba umanand und glaubad den Müll zema, den andere oifach weg schmaissad. Des isch toll, was diea Kendr machad.

Was aber diea dond, diea den Dreck wegschmeissad, des isch a ods Sauerei. Ond des Schlemme isch, ma ka nix macha. Ma brauchd bloß ins Einkaufszendrum neigugga. Neilich am Samsdag isch alles bigo bello saubr gmacht wora. Am Mondag Obad hads scho wiedr angfanga und am Dienschdag hat oin d´Sauerei scho wiedr aspronga – wo send mir eigentlich?

Wenn ma frieher oin verwischt hat, der ebbeas oifach fudgschmissa hat, aber Hallo! I hedd von meim Vaddr a rechda Schell griagt (hads aber it braucht, i hedd mr so ebbes gar it traut). I mechd gära, dass bei ons wiea in Singapur zuagod – dann däds ausgugga wiea gschläggad.  
So isch doch, oder wa moina dr?

Lilo Finkele