Aktuelles

Nachrichten

Kuldur in Befinga

Globat

Do gibs doch tatsächlich Leit in Befinga diea moinad, do god ja kuldurell richtig ebbes. 

Dr Popchor Ulm e.V. isch a gmischter Chor mit ca. 50 Mitglieder und ra 3-Mann-Band ondr dr Leitung vom Roland M. Eppelt. Mit „Happy“,Fields of Gold“, „Tears in heaven“, „We are the world“, „Bohemian Rhapsody“ und „The Time Warp“ reißad se Publikum mit.

Den Chor hend se im Juni 2016 gründat. Seitdem hende se Erfahrunga auf dr Kulturnacht in Weißenhorn am 24. Mai 2017 und als Verastaldr vom Open Air Böfingen am 30. Juni 2017. Außerdem send se emmer wiedr in Gottesdienschda zom hera. Im kommenda Dezember fendet ihra Weihnachtstournee statt.

Dr Popchor Ulm e.V. stohd fir Spaß, Qualität ond Gemeinschaft. Des merkt ma au do dra, dass es bei dene Probawocheneda und Probadäg gibt, bei denen ma sich besser kennenlerna ka und der Spaß it zkurz kommt.

Des merkt ma au bei ihre Auftritt.

Guggad au selber onder:   http://popchor-ulm.de

Dann hend mr ja no onsere andre Veranstaldonga. Des machad d´Sonja Weiß ond d´Lilo-Fi. Afang vom Johr, do kommad emmer d´ Heftlesspicke von Jongna. Diea gherad wiea in Granid gmoislad in onsern Terminkalendr.

Em Sommer gibsd da Jazzfriaschobba, au scho seid feif Johr bei de Gloigärdner auf ihrer  scheena Terass, wo au immr me Leid vo Befinga ra ond von dr Stadt raufkommad.

Im Herbschd gibs dann no a Kabared. Des Johr wars d Hillu mit ihre Herdropfa ond d´ Undertöner, d Nochfolger von de Belehrer.

Was mir scho alles do ket hend, des war it schlecht in alle dene Johr wo mir jetzt scho d´Kultur hend in Befinga.

Dr Beck von de Kathola war dr Erschde, d Bronnweiler Weibr, s Kirchakabarett von de Evangela, d Marlis Blume, D Heike Saur ond Hanna Münch, Unter de Linden-Reise nach Berlin, dr Pfefferle ond sei Ernschd – a baar Mol, d´Siyou ond ihran Chor. Da Chor Gospel and Moor. I brengs ga nemma alles zema ´s war an Haufa Zuig ond immer alles Klasse. Des mit de Chöre machad Kathola ond Evangela jetzt selbr ond s´andere mir.

So isch doch, oder wa moina dr ?

fi

Zurück

Kommentare

Einen Kommentar schreiben

Bitte rechnen Sie 6 plus 5.