Aktuelles

Nachrichten

Plakat agrissa!

Gmaulat

Des glaubt koi Mensch. Do laufd im EKZ so ein Grasdaggl rom und reißt unsre nuie Plakade fir a Verastaldung oifach rundr, kaum dass se hengad. On ned blos des. Beim "Kebabab"  had´r zwoi festbäbbade Schildr rondr grissa auf dene "Vorsicht Rutschgefahr" drufgstanda isch. Ja gods no?

Plakade diea scho a Vierdl Johr romhangad lessd´r hanga, stadd dass'r diea raduad. Wo des au no moischdens oine send, wo gar nix mit Befinga zom doa hend. Diea irgend-welche Leid aufhängad, sich aber an Scheiß drom kemmerad, ihre Klomb wieder aufzumrouma.

Noi, de nuie von eisere Befinger Geschichda reißt des Rindviech ra und d Frau Weiss muss dann gugga, dass se nuie hergriagt ond se wiedr aufhängt. Der Kerle soll bloss aufbassa, mir wissad jetzd wer des isch - d'Kamera hat an feschdghoba-. S'nägschde Mol gibs Schella wiea Brodloib, bildlich gsää. Dr Scherrif vo Befinga freit sich, wenn er it suacha muas, sondern a nedds Bildle frei Haus von so am geischdiga Tiefflieagr griagt. Dann gibs nemlich a Rechnung, weil des Zuig an Haufa Geld koschd, ond an Geld-scheißer hend mir no koin.

So isch doch, oder wa moina dr?

fi

Zurück

Kommentare

Einen Kommentar schreiben

Bitte rechnen Sie 2 plus 1.